Tbilisi Şəhər Məhkəməsi Gürcüstanın sabiq müdafiə naziri, “Vahid Milli Hərəkat” müxalifət partiyasının liderlərindən biri Giorgi Baramidze barəsində həbs qətimkan tədbiri seçib.
Yeniera.az xəbər verir ki, bu barədə Gürcüstan KİV məlumat yayıb.
Bildirilib ki, Baramidze sentyabrın 11-də öz evində saxlanılıb.
Gürcüstan Baş Prokurorluğu ona Cinayət Məcəlləsinin dövlətə xəyanət və sabotajla bağlı maddələri üzrə ittiham irəli sürüb.
Sentyabrın 12-də keçirilən məhkəmə iclasında prokurorluğun vəsatəti təmin edilib və Baramidze barəsində həbs qətimkan tədbiri seçilib. Qərarı hakim Eka Barbakadze qəbul edib.
