İranın xarici işlər naziri Abbas Araqçi Naxçıvan istiqamətində baş verən hadisə ilə bağlı açıqlama verərək bunu “narahatlıq” kimi qiymətləndirib.
YENIERA.az Musavat.com-a istinadən xəbər verir ki, jurnalistin “Əgər siz qonşularınıza hücum etmirsinizsə, İran prezidenti niyə üzr istədi?” sualına Araqçi belə cavab verib:
“Birincisi, bizim mədəniyyətimizdə üzr istəmək ləyaqət və güc əlamətidir. İkincisi isə o, ABŞ-ın təcavüzü və bizim cavab tədbirlərimiz nəticəsində region xalqlarının üzləşdiyi narahatlıqlara görə üzr istədi.”
Araqçi əlavə edib ki, əslində region xalqları qarşısında üzr istəməli olan tərəf ABŞ-dır.
“Əslində isə ABŞ prezidenti region xalqları və İran xalqı qarşısında üzr istəməlidir. Çünki bizə qarşı törədilən qətllərə və dağıntılara görə məsuliyyət daşıyan tərəf onlardır”, – deyə o bildirib.
