Türkiyə Prezidenti Rəcəb Tayyib Ərdoğanla Rusiya lideri Vladimir Putin arasında Bişkekdə görüş keçirilir.
Yeniera.az xəbər verir ki, bu haqda “RİA Novosti” məlumat yayıb.
Liderlər danışıqları “Ala-Arça” dövlət iqamətgahının Ağsaqqallar zalında aparırlar.
***
Putin və Ərdoğan arasında təxminən bir saat yarım davam edən görüş başa çatıb. Məlumata görə, protokol üzrə bunun üçün cəmi yarım saat nəzərdə tutulmuşdu.
Danışıqların əsas hissəsi qapalı qapılar arxasında keçirilib. Açıq hissədə isə iki ölkənin liderləri iqtisadi əməkdaşlıq və irimiqyaslı infrastruktur layihələrinin, o cümlədən “Akkuyu” Atom Elektrik Stansiyasının tikintisi məsələlərini müzakirə ediblər.
