Rusiyanın keçmiş müdafiə naziri Sergey İvanov vəfat edib.
Yeniera.az Rusiya mətbuatına istinadən xəbər verir ki, İvanov 73 yaşında vəfat edib.
Sergey İvanov son onilliklərin ən nüfuzlu Rusiya rəsmilərindən biridir. O, illər ərzində Baş nazirin müavini və Baş nazirin birinci müavini, müdafiə naziri, Rusiya Təhlükəsizlik Şurasının katibi və Prezident Administrasiyasının rəhbəri vəzifələrində çalışıb.
2016-cı ildən 2026-cı ilin fevral ayına qədər İvanov Prezidentin Ətraf Mühitin Mühafizəsi, Ekologiya və Nəqliyyat üzrə Xüsusi Nümayəndəsi vəzifəsində çalışıb. Bu yaxınlara qədər o, həmçinin Rusiya Təhlükəsizlik Şurasının üzvü olaraq qalıb.
2007-ci ildə İvanov Vladimir Putinin xələfi olmaq üçün ən çox ehtimal olunan namizədlərdən biri hesab olunurdu, lakin siyasi mübarizədə Dmitri Medvedevə uduzub.
