Avropa Parlamentinin (AP) üzvləri onu müəyyən qərarlara görə tənqid edən və istefasını tələb edən Avropa Komissiyasının (AK) sədri Ursula fon der Leyenə etimadsızlıq təklifini rədd ediblər.
Yeniera.az xəbər verir ki, səsvermə AP-nin Strasburqda keçirilən plenar iclasında keçirilib və parlamentin saytında canlı yayımlanıb.
Avropa Komissiyasının sədrinə etimad göstərilməməsi təklifi lehinə 179, əleyhinə 378, bitərəf 37 səs toplayıb. İkinci təklifin lehinə 133, əleyhinə 383, bitərəf 78 nəfər səs verib. Təsdiq üçün səsvermədə iştirak edən 720 deputatdan ən azı 361-nin üçdə iki səs çoxluğu tələb olunur.
Bir müddət əvvəl “Avropa Naminə Vətənpərvərlər” partiyasından olan parlament üzvü Tyerri Mariani bəyan etmişdi ki, Avropa Komissiyasının sədrinin istefası Avropanın öz gücünü və müstəqilliyini bərpa etməsi üçün zəruri şərtdir.
Yeganə