Ağır cinayətlərdə adı keçən Ruben Vardanyan vəkil tutmaqdan imtina etməsinin səbəblərini ailəsinə açıqlayıb.
Yeniera.az erməni mediasına istinadən xəbər verir ki, vəkilin peşəkar fəaliyyəti üçün şəraitin olmaması və guya hüquq normalarının pozulması baxımından vəkildən imtina edib.
Ruben Vardanyanın bu barədə yazısını təqdim edirik:
“Oktyabrın 21-də keçirilən məhkəmə iclası zamanı müdafiəçim Abraham Bermanın xidmətindən çıxmaq barədə qərarımı elan etdim. Bu, məcburi qərar idi. Beynəlxalq hüququn ən kobud şəkildə pozulması, eləcə də Azərbaycan prosessual məcəlləsinin özü bu dinləmələri açıq-aşkar farsa çevirdi. Bu şərtlər daxilində müdafiə üçün bütün prosessual imkanlar tükənib.
- Mənə heç vaxt işin materialları və ittiham aktı ilə tanış olmağa imkan verilməyib. Bu günə kimi materiallarla tanış olmaqdan imtina edilir: İşimin 422 cildliyi ilə tanış ola bilmirəm, məhkəmə əsas prosessual sənədlərin rəsmi tərcüməsini təqdim etməyib.
- Mənə məhkəmədə özümü müdafiə etmək imkanı verilmədi. Məhkəmə iclaslarına hazırlaşmaq üçün heç bir məhdudiyyət olmadan və qabaqcadan baxışdan keçmək üçün müdafiəçimlə sənədləri dəyişmək, təqsirimin sübutu kimi təqdim edilən audio və video çəkilişləri mənə təqdim etməyiblər.
- Bütün vəsatətlərimə istintaq orqanları və məhkəmə baxmayıb. Müdafiəçinin ədalətli mühakimə üçün zəruri olan vacib vəsatətləri də cavabsız qalıb.
- Müdafiəçinin təqdim edilməsindən imtinanın digər səbəbi məhkəmənin işin hallarını aydınlaşdıra biləcək və müdafiə tərəfi üçün vacib olan faktları təsdiq edə biləcək şahidləri dəvət etməkdən imtina etməsi olub. Məhkəmə bu vəsatəti təmin etməkdən imtina edərək, nəhayət, prosesi hər hansı obyektivlik və ədalətlilikdən məhrum etdi.
Zaman keçdikcə vəziyyət yalnız pisləşdi. Bu absurd teatrında müdafiəçinin rolu onun istəyindən və səyindən asılı olmayaraq yalnız bu prosesin formal qanunauyğunluğunun təmin edilməsi ilə məhdudlaşır. Mən bu farsda iştirak etməkdən imtina edirəm. Mənə müdafiə illüziyası lazım deyil: mən prosessual hüquqlarımın real şəkildə qorunub saxlanmasını tələb edirəm”.