“İrana qarşı ABŞ və İsrail tərəfindən başladılan əməliyyatlar göstərdi ki, Azərbaycanın quru sərhədlərinin bağlı qalması yalnız COVID-19 səbəbi ilə bağlı deyil”.
YENİERA.az xəbər verir ki\. bu fikri KONKRET.az-a açıqlamasında siyasi şərhçi Cavanşir Abbaslı səsləndirib.
Quru sərhədlərlə bağlı VACİB AÇIQLAMA – Bu ölkələrə gedə biləcəyik… | KONKRET
Onun sözlərinə görə, pandemiyadan sonra dünyanın əksər ölkələri sərhədlərini açsa da, Azərbaycanın bu qərarı qüvvədə saxlaması cəmiyyətdə geniş müzakirələrə səbəb olub. Son hadisələr göstərdi ki, hökumətimizin biləcəyi nələrsə var imiş. Və bölgədə hər an müharibənin alovlanana biləcəyini ehtimal etdiklərindən bu təhlükəsizlik addımlarını atırdıq.
Siyasi şərhçi bildirib ki, quru sərhədlərin bağlı qalması ilk növbədə vətəndaşların xərclərinə təsir edir, həmçinin ölkəyə gələn turistlərin sayının azalmasına gətirib çıxarır. Bu vəziyyət xaricdə çalışan və biznes fəaliyyəti ilə məşğul olan şəxslərə, eləcə də müalicə üçün xaricə üz tutan insanlara əlavə maliyyə yükü yaradıb.
Cavanşir Abbaslı qeyd edib ki, Azərbaycanın yerləşdiyi regionun mürəkkəb təhlükəsizlik mühiti də bu qərarda mühüm rol oynayır. Onun sözlərinə görə, xüsusilə İranda milyonlarla azərbaycanlının yaşaması və mümkün qaçqın axını ehtimalı rəsmi Bakının ehtiyatlı davranmasına səbəb olub.
Şərhçi hesab edir ki, İrana qarşı başlanmış əməliyyatlar quru sərhədlərin bağlı qalma müddətini bir qədər də uzada bilər. Bununla belə, o vurğulayıb ki, proseslər sabitləşdikdən sonra sərhədlərin mərhələli şəkildə açılması gündəmə gələ bilər.