Azərbaycanın şimal bölgəsində yerləşən Quba rayonunda yeraltı təkanlar qeydə alınıb.
Bakı vaxtı ilə saat 20:58 radələrində baş verən təbiət hadisəsi rayon sakinlərində müəyyən qədər narahatlıq yaradıb.
Hadisə şahidlərinin verdiyi məlumata görə, evlərində dincələn və ya oturan zaman qəfil silkələnmə hiss olunub. Evlərin içərisində eşidilən yüngül xırıltı və əşyaların titrəməsi sakinlər tərəfindən dərhal fərq edilib.
Hələlik zəlzələnin dəqiq maqnitudası və episentri ilə bağlı rəsmi qurumlar tərəfindən geniş açıqlama verilməyib. İlkin məlumatlara görə, dağıntı və ya hər hansı tələfat barədə məlumat daxil olmayıb.
Yeniera.az xəbər verir ki, zəlzələlərin tədqiqatı bürosunun məlumatına əsasən, Quba rayonunda 4,9 maqnitudada zəlzələ qeydə alınıb.
Yeraltı təkanlar 20:56-da, 13 km dərinlikdə baş verib.