Bakıda fəaliyyət göstərən M7 ekspres avtobusunun hərəkəti zamanı qapının açıq vəziyyətdə olduğu görüntülənib.
Yeniera.az xəbər verir ki, bu barədə axar.az-a şəhər sakinlərindən şikayət daxil olub.
Kadrlardan qapıda nasazlıq olduğu, tam bağlanmadığı görünür.
Sərnişinlərin təhlükəsizliyi baxımından risk yaradan vəziyyətə əlavə olaraq, avtobusda kondisionerin də işləmədiyi iddia olunur.
Qeyd edək ki, M7 nömrəli ekspres marşrutu sentyabrın 7-dən fəaliyyətə başlayıb.
Məsələ ilə bağlı AYNA-ya sorğu ünvanlanıb.
