Ölkəmizdə çoxuşaqlı ailə meyarının dəyişdirilməsi təklif olunur. Hazırkı qanunvericiliyə əsasən, beş və daha çox uşağı olan ailələr çoxuşaqlı ailə hesab edilir.
Onlara dövlət tərəfindən müəyyən güzəştlər və aylıq müavinətlər təyin olunur.
Millət vəkili Vüqar Bayramov müasir dövrün tələblərini nəzərə alaraq, üç uşaqlı ailələrin də çoxuşaqlı ailə hesab edilməsini təklif edib.
Baku TV məsələ ilə bağlı paytaxt sakinlərinin fikirlərini öyrənib.
“Millətin sabitliyi üçün ailədə ən azı üç uşaq olmalıdır. İki uşaq bunu təmin etmir”, – sakinlərdən biri deyib.
“Olmalıdır, məncə. Vaxtilə olub. Mənim anam da, qayınanam da üç uşağa görə pensiyaya çıxıblar”, – başqa bir sakin bildirib.