Son dövrlərdə regionda baş verən geosiyasi və texnoloji dəyişikliklər IT sektoruna birbaşa təsir göstərir. Xüsusilə Rusiyada internet infrastrukturu üzərində artan məhdudiyyətlər və xarici texnologiya platformalarının bazardan çıxması rəqəmsal mühitdə qeyri-sabitlik yaradıb. Bu isə bir çox şirkətləri yeni IT həllər axtarmağa və mövcud sistemlərini yenidən qurmağa məcbur edir.
Texniki baxımdan ölkədə geniş şəbəkə infrastrukturu mövcuddur, lakin sürət, sabitlik və bəzi xarici servisə çıxış imkanlarının məhdudlaşması xüsusilə bank sektorunda, iri şirkətlərdə və beynəlxalq əməliyyatlarla çalışan bizneslərdə əlavə risklər yaradır. Bu isə şirkətləri hazır platformalara güvənməkdən daha çox öz daxili texnoloji həllərini qurmağa vadar edir.
Mövcud şəraitdə bazarda bir neçə açıq trend formalaşır:
• Yeni IT həllərin sürətli inkişafı – şirkətlər CRM, ERP, bulud sistemləri və təhlükəsizlik platformalarını lokal şəkildə qurmağa başlayır
• Kiberhəllərə marağın artması – məlumatların qorunması və daxili təhlükəsizlik prioritetə çevrilir
• IT sahəsinə yönələn insan resursunun çoxalması – proqramlaşdırma, sistem inzibatçılığı və kibertəhlükəsizlik sahələrində mütəxəssislərə tələb artır.
Sadə desək, bazar “rahatlıq zonası”ndan çıxıb və indi daha çox özünü təmin edən texnologiya modelinə keçir.Bu transformasiya asan baş vermir. Mövcud həllərin keyfiyyəti, miqyası və qlobal səviyyədə rəqabət qabiliyyəti hələ də inkişaf mərhələsindədir. Amma uzunmüddətli perspektivdə bu proses yeni texnoloji məhsulların yaranmasına və yerli IT sektorunun güclənməsinə səbəb ola bilər.
Bu fonda Azərbaycan daha fərqli və diqqətçəkən inkişaf trayektoriyası nümayiş etdirir. Ölkədə aparılan məqsədyönlü siyasət və strateji yanaşma nəticəsində rəqəmsal transformasiya sistemli şəkildə irəliləyir.
İlham Əliyev tərəfindən müəyyən edilən inkişaf prioritetləri çərçivəsində rəqəmsallaşma və innovasiya dövlət siyasətinin əsas istiqamətlərindən birinə çevrilib.
Bu yanaşma yalnız qısamüddətli nəticələrə deyil, uzunmüddətli texnoloji dayanıqlılığa hesablanıb.Ölkədə internet infrastrukturu stabil şəkildə inkişaf edir, xidmətlərin əlçatanlığı və keyfiyyəti regionda rəqabətədavamlı səviyyədə saxlanılır.
Paralel olaraq, texnoparkların genişlənməsi, startap mühitinin dəstəklənməsi və innovasiya təşəbbüslərinin artırılması IT sektorunun davamlı böyüməsinə real zəmin yaradır.
İnformasiya Texnologiyaları üzrə ekspert Səkinə İlqarqızı
Yeniera.az Media