Qəzza zolağında ölənlərin sayı son 48 saatda 8 nəfər artaraq 68 527 nəfərə çatıb.
Yeniera.az xəbər verir ki, Qəzza Səhiyyə Nazirliyi son məlumatlarla bağlı yazılı açıqlama yayıb.
Açıqlamada dağıntılar altından çıxarılan 8 cəsədin və 13 yaralının Qəzza zolağındakı xəstəxanalara son 48 saatda çatdırıldığı, atəşkəs başlayandan bu yana ölənlərin ümumi sayının 93-ə çatdığı vurğulanıb.
Bəyanatda həmçinin qeyd olunub ki, atəşkəsdən sonra 337 nəfər yaralanıb, dağıntılar altından 472 cəsəd çıxarılıb
İsrailin Qəzza zolağına 8 oktyabr 2023-cü ildə başlayan hücumları nəticəsində ölənlərin sayı 68 min 527, yaralıların sayı isə 170 min 395-ə çatıb.
Bəyanatda həmçinin qeyd olunub ki, İsrail tərəfindən geri qaytarılan 195 cəsəddən yaxınları tərəfindən müəyyən edilənlərin sayı 72-yə çatıb.
Qəzza zolağında minlərlə ölülərin dağıntılar altında qaldığı bildirilir.
Yeganə
